Il-Ġimgħa Ewropea għat-Tnaqqis tal-Iskart (EWWR) tiġbor flimkien skejjel, amministrazzjonijiet pubbliċi, kumpaniji, Għaqdiet mhux Governattivi u ċittadini minn madwar l-Ewropa sabiex flimkien jippromwovu għan komuni: li titqajjem iktar kuxjenza dwar riżorsi sostenibbli u l-immaniġjar tal-iskart.  sabiex flimkien jippromwovu għan komuni: li titqajjem iktar kuxjenza dwar riżorsi sostenibbli u l-immaniġjar tal-iskart.  

Din is-sena, il-Ġimgħa Ewropea għat-Tnaqqis tal-Iskart(EWWR) ser tkun qed isseħħ bejn it-18 u 26 ta’ Novembru. It-tema magħżula għal din l-edizzjoni hi l-Iskart tal-Ippakkjar!

Dan ma jfissirx li kull azzjoni trid tkun bilfors marbuta ma’ din it-tema. Azzjonijiet u proġetti mmirati biex inaqqsu, jerġgħu jużaw u jirriċiklaw l-iskart,  huma eliġibli wkoll! Iżda jekk tagħżel li tagħmel azzjoni dwar it-tema tal-Iskart tal-Ippakkeġġjar, tkun tista tikkompeti ukoll fil-kategorija tal-Premju għall-Innovazzjoni.     

Qed nfittxu azzjonijiet li huma oriġinali, jilħqu ħafna nies b’impatt fit-tul! Idħol f’din il-ħolqa għal iktar ispirazzjonijiet.   

Ir-reġistrazzjoni tiftaħ f'Settembru. 

Jekk ħadt sehem fl-edizzjoni li għaddiet idħol f’din il-ħolqa sabiex tirċievi ċertifikat diġitali u personalizzat maħruġ mis-Segretarjat ta’ dan l-avveniment Ewropew. 

Segwuna fuq Facebook għall-aħħar aġġornamenti. 

Dwar iċ-Ċerimonja ta’ Premjazzjoni

Fix-xhur li ġejjin WasteServ ser tkun qed tippremja dawk l-azzjonijiet li ppreżentaw l-aħjar it-tema tal-2022, Tessuti Sostenibbli u Ċirkolari.   

Permezz ta’ azzjonijiet u proġetti mmirati sabiex jitnaqqas, jerġa’ jintuża u jiġi sseparat l-iskart, il-parteċipanti jikkomunikaw l-inizjattivi tagħhom sabiex titqajjem iktar kuxjenza. Din is-sena kellna iktar minn 63 parteċipant. Il-finalisti ntgħażlu minn esperti indipendenti, u r-rebbieħa ta’ kull kategorija, ser ikunu qegħdin jitħabbru waqt din iċ-Ċerimonja ta’ Premjazzjoni. Kull rebbieħ jirċievi premju ta’ €1000  sabiex jassistu fl-isforzi għat-tnaqqis tal-iskart. Ir-rebbieħa jirrappreżentaw lil Malta fiċ-Ċerimonja Ewropea ta’ Premjazzjoni għat-Tnaqqis tal-Iskart, li tlaqqa’ l-aħjar parteċipanti fil-qasam, minn madwar l-Ewropa kollha.   

Ninsabu ħerqana biex naraw minn se jkunu r-rebbieħa li se jiħabbru waqt il-Malta Waste Reduction Awards!