Ċentri għall-Iskart Goff

Minħabba l-COVID-19 daħħalna iżjed miżuri għas-sigurtà tiegħek kif ukoll għas-sigurtà tal-ħaddiema tagħna.

Jekk jogħġbok ilbes maskra qabel tidħol.
Numru limitat ta’ vetturi ser jitħallew jidħlu ġos-sit f’daqqa.
Nitolbukom biex ma tiġux f’dawn iċ-Ċentri jekk intom jew membri fid-dar tiegħek kontu/kienu ma jifilħux u biex dejjem issegwu l-pariri tal-awtoritajiet nazzjonali tas-saħħa, waqt li żżommu f’moħħkom li dawn jistgħu jiġu aġġornati minn żmien għal żmien.

Lokalitajiet

Ħinijiet tal-Ftuħ

Iċ-Ċentri għall-Iskart Goff jiftħu mit-Tnejn sal-Ħadd, inkluż Festi Pubbliċi (barra l-Milied u l-Ewwel tas-Sena) bejn is-7.30a.m. u l-5.30p.m.

Qabel iżżur iċ-Ċentri

L-iskart kollu li jittieħed fiċ-Ċentri għall-Iskart Goff tagħna għandu jiġi sseparat u magħżul minn qabel, biex niżguraw li kemm jista’ jkun skart jiġi użat mill-ġdid jew irriċiklat.

Dħul fiċ-Ċentri għall-iskart Goff huwa permess biss b’vettura.

Residenti li għandhom biss vettura waħda li taqa’ taħt Kategorija A jew B ikollhom aċċess sa 18-il darba f’sena kalendarja ladarba jiġi ppruvat li din hija l-unika vettura li għandhom.

Tista’ tapplika onlajn għal permess billi tagħfas hawnhekk. Tista’ tapplika ukoll għal permess direttament miċ-Ċentri għall-Iskart Goff jew billi ċċempel fuq freephone 8007 2200. Vetturi mingħajr permess ma jingħatawx aċċess.

Tfal jistgħu jidħlu sakemm ikunu akkumpanjati minn adult.

Ikkunsidra li tilbes żarbun b’saħħtu, ħwejjeġ adattati u ingwanti fejn hemm bżonn.

Organizzazzjonijiet mhux governattivi li jixtiequ jagħmlu użu minn dawn iċ-Ċentri huma ġentilment mitluba biex jibagħtulna imejl fuq casoperations@wasteservmalta.com.

Vetturi rreġistrati l-Pitkalija għandhom aċċess illimitat għaċ-Ċentru ġewwa Ta’ Qali biex ikunu jistgħu jarmu l-iskart relatat mas-sengħa tagħhom.

Agħmel użu mis-servizz ta’ ġbir ta’ skart goff offrut b’xejn lir-residenti mill-Kunsilli Lokali rispettiv tiegħek.

Jekk għandek bżonn gwida jew assistenza waqt iż-żjara tiegħek, jekk jogħġbok kellem lill-impjegati taċ-Ċentru għall-Iskart Goff.

L-iskart tiegħek

Dawn is-siti jaċċettaw biss skart domestiku.

X’nistgħu naċċettaw

Skart Goff

Għamara, saqqijiet u twapet
White goods bħal friġis, kukers u majkrowejvs
Għamara tal-ġnien
Injam u Metall

Skart tal-Kostruzzjoni

Skart inert: konkrit, brikks, żrar, ramel u siment
Madum, granit u gress
Oġġetti sanitarji taċ-ċeramika (bħal sink u tojlit)
Terrapien

Skart Perikoluż

Mediċina skaduta u siringi użati
Solventi u kimiki
Żebgħa
Batteriji, bozoz u tubi tan-neon
Skart ieħor perikoluż

Electronics

Kompjuters, monitors, laptops u printers
Mowbajls u tablets
Televiżjonijiet, sistemi ta’ navigazzjoni, ġugarelli elettroniċi u għodda (jekk jogħġobkom kunu ċerti li l-informazzjoni personali tagħkom titneħħa minn oġġetti bħal kompjuters, laptops, televiżjonijiet, mowbajls, tablets u sistemi ta’ navigazzjoni)

Skart tal-Ġonna

Ħaxix u friegħi
Zkuk u biċċiet ta’ siġar
Fjuri u weraq
Ħaxix ħażin

Skart Ieħor

Tajers tal-vetturi
Tessuti
Żjut tal-ikel u żejt tal-magni

Infakkrukom li prodotti elettroniċi jistgħu jinġabru wkoll mis-settur kummerċjali li joperaw huma stess sistemi ta’ rkuprar ta’ dan it-tip ta’ skart.

X’jiġri minnu dan l-iskart

L-iskart kollu li jittieħed fiċ-Ċentri għall-Iskart Goff jiġi esportat għat-trattament, trattat lokalment, jerġa’ jiġi użat għal fini oħra jew jiġi rriċiklat. L-iskop primarju ta’ dawn iċ-Ċentri huwa li l-iskart jiġi miġbur bl-aħjar mod sabiex minnu jkunu jista’ jinġabar materjal sekondarju.

It-trasportaturi tal-iskart reġistrati jistgħu jaċċessaw ir-regoli taċ-Ċentri għall-Iskart Goff hawn.

Last updated on 10/11/2020