Faċilità Tal-Kus

Il-Faċilità għall-Irkupru tal-Materjal (MRF) u l-Istazzjon ta’ Trasferiment tal-Iskart (WTS) ġewwa x-Xewkija (Għawdex) inħolqot biex tilqa’, tagħżel u tittrasporta l-iskart mhux perikoluż ġej minn Għawdex u Kemmuna.

Kull skart riċiklabbi u niexef jiġi magħżul u/jew miġbur f’balal fil-Faċilità għall-Irkupru tal-Materjali biex imbagħad jiġi trasferit lejn faċilitajiet oħra għall-ipproċessar.

L-Istazzjon ta’ Trasferiment tal-Iskart iservi biex jikkonsolida l-iskart minn bosta postijiet minn fejn jinġabar l-iskart għal post wieħed, biex irendi sistema ta’ trasport bi spiża iktar effettiva għall-impjanti ta’ trattament tal-iskart f’Malta. L-iskart solidu muniċipali u l-iskart organiku jiġi kompatt b’mod effiċjenti f’kontenituri ermetikament issiġġilati u ttrasportati lejn Malta f’vetturi speċjali għall-ipproċessar.

POLITIKA TA’ KWALITA’, AMBJENT, SAĦĦA U SIGURTÀ

F'konformità mal-istrateġija tal-ambjent sostennibli u l-immaniġjar tal-iskart f’Malta, WasteServ tfittex li tipprovdi servizz nazzjonali permezz ta’ proċessi ta' rkupru tal-iskart u t-trattament li jseħħu fil-faċilità tat-trasferiment ġewwa Tal-Kus, ix-Xewkija, Għawdex. Il-faċilità ġiet stabbilita għal: (i) l-għażla, l-ippakkjar u/jew it-trasferiment ta’ skart riċiklabbli, (ii) il-kompattazzjoni tal-skart solidu muniċipali u skart organiku, u (iii) l-ipproċessar ta’ skart kummerċjali, skart goff u skart ta’ veġetazzjoni (green waste). Wara, il-frazzjonijiet tal-iskart jiġu trasferiti f’faċilitajiet oħrajn tal-WasteServ jew għand partijiet terzi, għal aktar ipproċessar skont kif ikun applikabli.

L-għanijiet ewlenin ta’ WasteServ huma li, tfittex li tikseb u ttejjeb is-sodisfazzjon tal-klijent, tipproteġi l-ambjent, u tipprovdi servizz tal-immaniġjar tal-iskart affidabbli li jħares l-ambjent, tippreveni korrimenti relatati max-xogħol u mard filwaqt li tipprovdi servizzi affidabbli ta’ immaniġjar tal-iskart lil dawk li jġorru l-iskart, li jipproduċu l-iskart, u li jixtru l-iskart ġewwa Għawdex.

Permezz tal-operat fil-faċilità u tal-fergħat varji li joffru appoġġ, WasteServ tħabrek biex:

Tikkonforma mal-permess ambjentali EP 0022/21 u leġislazzjoni rilevanti;
Timmassimizza l-estrazzjoni ta’ skart riċiklabbli;
Tnaqqas l-emissjonijiet fl-arja billi tikkumpatta l-iskart f’kontejners u b’hekk tnaqqas it-trasferimenti tal-iskart lejn Malta;
Tuża u żżomm il-faċilità b’mod effettiv;
Tikseb feedback pożittiv minn dawk l-entitajiet li jġorru l-iskart, li jipproduċu l-iskart, u li jixtru l-iskart;
Tnaqqas l-ilmenti tal-klijenti;
Timplimenta miżuri ta’ ġerarkija ta’ kontroll sabiex telimina l-perikli u tnaqqas ir-riskji tas-saħħa u s-sigurtà;
Tiżviluppa l-ħiliet tal-impjegati;
Tippromwovi l-aħjar prattiċi tax-xogħol f’kull livell, inklużi viżitaturi u kuntratturi;
Tiżgura li l-impjegati u/jew ir-rappreżentant tal-ħaddiema jipparteċipaw u jiġu kkonsultati dwar kwistjonijiet ta' saħħa u sigurtà.

Dawn l-għanijiet huma reveduti kull erba’ xhur u l-progress tagħhom huwa diskuss fil-laqgħat mal-Maniġment.

Biex nimplimentaw din il-politika aħna adottajna sistema ta’ immaniġjar ibbażata fuq ir-rekwiżiti ta' ISO 9001:2015, ISO 14001:2015 u ISO 45001:2018.

Aħna impenjati li ntejbu kontinwament is-sistema tal-immaniġjar tagħna u l-effiċjenza tagħha b’mod kostanti u ripetut. Din il-politika għandha tkun ikkomunikata lil, u mifhuma mill-impjeġati kollha fl-organizzazzjoni. Aħna ser inkunu qed nikkomunikaw din il-politika mal-pubbliku, mal-viżitaturi u mal-kuntratturi fil-faċilità.

Din il-politika tiġi rriveduta fuq bażi annwali sabiex jiġi żgurat li l-enfasi fuq il-ħtiġijiet tal-klijent u preservazjoni tal-ambjent u l-prevenzzjoni ta’ korrimenti u mard relatati max-xogħol jinżamm, u biex il-miżuri tal-wegħda tagħna lill-klijenti jinkisbu.

Jekk jogħġbok agħfas hawn biex tara r-regoli tas-sit.