Ingħaqad magħna għal din l-edizzjoni tal-European Week for Waste Reduction li se ssir bejn il-21 u 29 ta' Novembru, 2026. Din l-inizjattiva tiġbor flimkien skejjel, amministrazzjonijiet pubbliċi, kumpaniji, NGOs, u ċittadini minn madwar l-Ewropa kollha li lkoll flimkien jaħdmu għall-istess għan: li jikkomunikaw il-messaġġ importanti dwar l-użu sostenibbli tar-riżorsi u l-immaniġġjar tal-iskart.

It-tema ta’ din is-sena hija Suffiċjenza tal-Materjal (Material Suffiency). Dan ifisser li nużaw ir-riżorsi b’mod aktar għaqli, li nevitaw l-iskart mill-bidu nett, u li nagħmlu l-aħjar użu minn dak li diġà għandna. Mhux biss biex nirriċiklaw aħjar, iżda fuq kollox biex nikkunsmaw inqas u b’mod aktar responsabbli.

Iżda meta tkun qed tippjana l-attività tiegħek, xorta tista’ tagħżel li tiffoka fuq xi tema oħra – l-importanti li l-attività tiegħek tkun dwar l-importanza tat-tnaqqis, użu mill-ġdid jew riċiklaġġ tal-iskart. Madankollu, jekk tiddeċiedi li ssegwi t-tema ta’ din is-sena, ikollok l-opportunità li tipparteċipa fil-kategorija għal azzjonijiet innovattivi wkoll!

Aqsam l-ideat oriġinali tiegħek permezz ta’ modi differenti ta’ komunikazzjoni li jħallu mpatt fit-tul u tkun pass eqreb lejn premju ta’ €1,000 f’waħda mis-seba’ kategoriji! Din il-webpage tagħtik ħafna ideat u ispirazzjoni. Importanti wkoll tieħu ftit ħin biex taqra r-regoli ta’ parteċipazzjoni.

Ir-Registrazzjoni tiftaħ f'Settembru!