B’konformità mal-istrateġija għal ambjent sostenibbli u l-immaniġġjar tal-iskart, WasteServ qed tara li tipprovdi servizz nazzjonali permezz tal-proċessi tal-irkupru tal-iskart u t-trattament tiegħu permezz ta’ l-Impjant tat-Trattament tal-Iskart ta’ Sant’Antnin. Din il-faċilità tagħżel riċiklabbli niexfa manwalment mill-linja tal-irkupru tal-materjali.

L-iskopijiet ewlenin tal-WasteServ huma li jiksbu u jżidu s-sodisfazzjon tal-konsumatur, jipproteġu l-ambjent u jipprovdu lit-trasportaturi, produtturi u sensara tal-iskart servizzi affidabbli li jkunu wkoll konformi mal-immaniġġjar ambjentali tal-iskart

Bil-mod kif jaħdem l-Impjant tat-Trattament tal-Iskart ta’ Sant’Antnin u l-bosta fergħat oħra, WasteServ twiegħed li:  

• Tkun konformi mal-Permess IPPC IP 0005/13
• Tuża l-faċilità b’mod effiċjenti u effettiv;Timassimiżża l-estrazzjoni tal- materjal riciklabli;
  
• Iżżomm miżuri ta’ tħejjija għall-emerġenzi biex jitnaqqsu u jiġu kkontrollati r-riskji ta’ nirien jew tixrid;
  
• Tnaqqas ilmenti minn partijiet interessati;

Aħna impenjati li permezz ta’ mekkaniżmi stabbiliti ntejbu b’mod kontinwu u b’mod stabbilit is-sistema tal-immaniġġjar tagħna. Din il-politika ser nagħadduha u nfehmuha lill-ħaddiema kollha fl-organizzazzjoni tagħna. Ser nikkomunikaw din il-politika mal-pubbliku, mal-viżitaturi kollha u mal-kuntratturi fil-faċilità

Din il-politika ser tiġi reveduta minn żmien għal żmien biex niżguraw li qed tinżamm il-mira tagħna lejn il-bżonnijiet tal-konsumatur u l-preservazzjoni tal-ambjent u li l-miżuri li wegħidna lill-klijenti tagħna nkunu qed inwettquhom.

Jekk jogħġbok agħfas hawn għar-regoli tas-sit.