F'konformità mal-istrateġija tal-ambjent sostennibli u l-immaniġjar tal-iskart f’Malta, WasteServ tfittex li tipprovdi servizz nazzjonali permezz ta proċessi  ta' rkupru tal-iskart fil-Multi Material Recovery Facility ġewwa Ħal Far. Il-faċilità tipproċessa apparat tal-elettriku u elettroniku (WEEE) kif ukoll tajers, injam, saqqijiet, polistiren, u tessuti. Il-materjali miġbura jiġu sseparati, ippakkjati u wara jiġu trasferiti għal iktar proċessar f’faċilitajiet oħra ta’ WasteServ jew għand terzi, skont kif ikun applikabbli.  Kull materjal jiġi trattat u proċessat separatament bil-għan li jiżdied il-valur tal-materjal riċiklabbli filwaqt li jiġi massimizzat l-użu tal-ispazju u l-effiċjenza. 

L-għanijiet ewlenin ta’ WasteServ huma li, tfittex li tikseb u itejjeb s-sodisfazzjoni tal-klijenti, tipproteġi l-ambjent, tippreveni korrimenti relatati max-xogħol u mard filwaqt li tipprovdi servizz tal-immaniġjar tal-iskart affidabbli li jkun ukoll favur l-ambjent,  lil dawk  li jġorru l-iskart, li jipproduċu l-iskart, u li jixtru l-iskart.

Permezz tal-operat fil-Multi Material Recovery Facility, u tal-fergħat varji l-oħra li joffru appoġġ, il-WasteServ tħabrek biex:

• Tikkonforma mal-permess tal-IPPC IP 00102/22 kif ukoll mar-rekwiżiti legali applikabbli tal-EHS u rekwiżiti oħrajn; 
• Tuża l-faċilità b’mod effiċjenti;
• Ittejjeb il-produzzjoni operattiva;
• Tnaqqas l-emissjonijiet fl-ambjent;
• Tmantni miżuri ta’ preparazzjoni għal każijiet ta’ emerġenza sabiex tnaqqas u tikkontrolla r riskju ta’ nirien u t-tixrid ta’ żjut
• Tikseb feedback pożittiv minn dawk l-entitajiet li jġorru l-iskart, li jipproduċu l-iskart, u li jixtru l-iskart;
• Tnaqqas ilmenti minn partijiet interessati;
• Timplimenta miżuri ta’ ġerarkija ta’ kontroll sabiex telimina l-perikli u tnaqqas ir-riskji tas-saħħa u s-sigurtà;
• Tippromwovi l-aħjar prattiċi tax-xogħol f’kull livell, inklużi viżitaturi u kuntratturi.
• Tiżgura li l-impjegati u/jew ir-rappreżentanti tal-ħaddiema jipparteċipaw u jiġu kkonsultati dwar kwistjonijiet ta' saħħa u sigurtà.