Rimi ta' Skart Kummerċjali

WasteServ tipprovdi s-servizzi neċessarji ta’ rimi tal-iskart b’mod sigur lill-entitajiet kummerċjali. Dan is-servizz huwa offrut fuq talba u bi ħlas.

Il-proċeduri differenti għar-rimi tal-iskart jeħtieġ li jiġu segwiti mill-entitajiet kummerċjali skont it-tip ta’ skart u l-kwantitajiet involuti. Għal din ir-raġuni, int ġentilment mitlub/a biex dejjem tikkuntattjana minn qabel billi jew:

Tibgħat imejl fuq wao.ws@wsm.com.mt jew;
Timla l-formola onlajn jew;
Iċċempel fuq freephone +356 8007 2200.

Membru mill-Waste Acceptance Unit ser jirrispondi l-imejl tiegħek jew iċempillek lura b’iktar dettalji u stima preċiża.

Skart Goff

Skart goff jiġi pproċessat mill-Kumpless ECOHIVE ġewwa n-Naxxar, u fIl-Faċilità għall-Irkupru tal-Materjal u l-Istazzjon ta’ Trasferiment tal-Iskart ġewwa Tal-Kus, Għawdex. Minflok tarmi kollox ġo skip wieħed jew tmur fil-Kumpless ECOHIVE bi skart imħallat, hemm għażliet oħra li huma orħos u li fl-istess ħin jiżguraw li r-riżorsi ma jintbagħtux ġol-miżbla.

Biex jintrema skart goff, entitajiet kummerċjali jridu:

Jagħmlu użu minn servizz ta’ kuntrattur liċenzjat li jieħu ħsieb il-ġbir tal-iskart (waste carrier) biex jittrasporta l-iskart;
Jagħmlu użu minn vettura tal-kumpanija biex jittrasportaw l-iskart. Il-vettura trid tkun irreġistrata mal-Awtorità għall-Ambjent u r-Riżorsi ERA) u WasteServ;
Iġibu l-Folja għar-Rimi tal-Iskart mill-WasteServ billi timtela l-formola onlajn.

Ħlas ta’ €20 għal kull tunnellata (VAT eskluża) japplika għall-iskart imħallat u għar-riċiklabbi €0.50 għal kull tunnellata.

Dawk il-kuntratturi imqabbda mill-Kunsill Lokali biex jiġbru skart domestiku goff jistgħu jarmu dan l-iskart fiċ-Ċentri għall-Iskart Goff, skont struzzjonijiet mill-Kunsill Lokali rispettiv. Dawn il-kuntratturi għandhom ikunu rreġistrati mill-Kunsill Lokali.

Skart Perikoluż

Kull tip ta’ skart perikoluż għandu jittieħed fil-faċilità tal-WasteServ addattata. Għal din ir-raġuni, int ġentilment mitlub biex jew:

Tibgħat imejl fuq wao.ws@wsm.com.mt jew
Timla l-formola onlajn jew
Iċċempel fuq freephone 8007 2200

Membru mill-Waste Acceptance Unit ser jirrispondi l-imejl tiegħek jew iċempillek lura b’iktar dettalji u stima preċiża.

Skart Kliniku

Skart kliniku jiġi pproċessat fil-Faċilità tal-Inċineratur ġewwa l-Marsa. Biex jarmu skart kliniku, entitajiet kummerċjali jridu jew:

Jibagħtu imejl fuq wao.ws@wsm.com.mt jew
Jimlew l-formola onlajn jew
Iċemplu fuq freephone 8007 2200.

Ħlas ta’ €500 għal kull tunnellata (VAT eskluża) japplika.

Skart Farmaċewtiku

Skart farmaċewtiku jiġi pproċessat fil-Faċilità tal-Inċineratur ġewwa l-Marsa. Biex jarmu skart farmaċewtiku, entitajiet kummerċjali jridu jew:

Jibagħtu imejl fuq wao.ws@wsm.com.mt jew
Jimlew l-formola onlajn u wara li jiġu kkuntattjati mill-Uffiċjal tal-Waste Acceptance jibagħtu l-formola tad-dikjarazzjoni.
Iċemplu fuq freephone 8007 2200.

Id-dokumenti kollha għandhom jiġu ppreżentati lil WasteServ qabel jittieħed l-iskart fil-faċilità.

Ġentilment mitlub/a tirreferi għal L.N. 203 of 2011 għal aktar informazzjoni dwar ħlas li japplika.

Spiżeriji li jixtiequ jissieħbu fl-iskema tal-ġbir ta’ mediċini, li qed issir bil-kollaborazzjoni tal-Kamra tal-Ispiżjara, sabiex joffru lill-klijenti tagħhom is-servizz ta' ġbir ta' mediċina qadima, mhux użata, skaduta jew li mhux aktar ta' bżonn, huma mitluba jirreġistraw billi jibagħtu imejl fuq medicinewaste.ws@wsm.com.mt. Din l-iskema hija ntiża għar-rimi ta’ mediċini mormija mill-klijenti tal-ispiżeriji u mhux għal stokk ta’ mediċini tal-ispiżeriji. Spiżeriji reġistrati f’din l-iskema li jkunu jeħtieġu ġabra tal-mediċina barra mill-iskeda stabbilita huma mitluba jagħfsu hawn.

Skart perikoluż ieħor

Skart perikoluż ieħor bħal żebgħa, solventi, ħama, u żjut huma pproċessati fil-Faċilità tal-Inċineratur ġewwa l-Marsa.

Biex jintrema skart ta’ dan it-tip, entitajiet kummerċjali jridu jew:

Jibagħtu imejl fuq wao.ws@wsm.com.mt jew
Jimlew l-formola onlajn jew
Iċemplu fuq freephone 8007 2200.

Id-dokumenti kollha għandhom jiġu ppreżentati lil WasteServ qabel jittieħed l-iskart fil-faċilitajiet.

Ġentilment mitlub/a tirreferi għal L.N. 203 tal 2011 għal aktar informazzjoni dwar ħlas li japplika.

Prodotti sekondarji ġejjin mill-annimali

Prodotti sekondarji ġejjin mill-annimali jiġu pproċessati fil-Faċilità tal-Inċineratur ġewwa l-Marsa. Biex jarmu prodotti sekondarji ġejjin mill-annimali, entitajiet kummerċjali jridu li:

Ikunu rreġistrati bħala trasportaturi tal-iskart (waste carrier) mad-Diviżjoni għar-Regolazzjoni Veterinarja u Saħħa tal-Pjanti (VPDR)
Jibagħtu imejl fuq wao.ws@wsm.com.mt jew
Jimlew l-formola online jew
Iċemplu fuq freephone 8007 2200.

Id-dokumenti kollha għandhom jiġu ppreżentati lill-WasteServ qabel jittieħed l-iskart fil-faċilità.

Ħlas ta’ €500 għal kull tunnellata (VAT eskluża) japplika.

Skart Organiku

Skart tal-ikel għat-trattament jiġi pproċessat fl-Impjant ta’ Trattament Mekkaniku u Bioloġiku ta’ Sant’Antnin ġewwa Marsaskala. Biex jarmu skart organiku, entitajiet kummerċjali jridu:

Jibagħtu imejl fuq wao.ws@wsm.com.mt jew
Jimlew l-formola online jew
Iċemplu fuq freephone 8007 2200.

Sakemm il-permessi meħtieġa jkunu kif suppost, m’hemmx bżonn li wieħed javża lill-Waste Acceptance Unit ta’ WasteServ minn qabel biex dan it-tip ta’ skart jittieħed fll-faċilità.

Ħlas ta’ €20 għal kull tunnellata (VAT eskluża) japplika.

Demel

Demel ta’ tiġieġ jew baqar jiġi pproċessat fil-Kumpless ECOHIVE ġewwa n-Naxxar. Biex jintrema demel ta’ tiġieġ jew baqar, entitajiet kummerċjali jridu:

Iġibu permess ta’ konsenja tal-iskart mid-Dipartiment Veterinarju; u
Ikunu ċerti li l-vettura tagħhom tkun irreġistrata mal-Awtorità għall-Ambjent u r-Riżorsi (ERA) u mal-WasteServ

Dan għandu jiġi ppreżentat lil WasteServ qabel l-iskart jittieħed fil-faċilità.

Ħlas ta’ €20 għal kull tunnellata (VAT eskluża) japplika.

Skart tal-Kostruzzjoni

Ġentilment mitlub/a iżżomm f’moħħok li WasteServ ma taċċettax skart tal-kostruzzjoni mingħand entitajiet kummerċjali.

Għal aktar informazzjoni, nistiednuk iċċempel lill-Awtorità għall-Ambjent u r-Riżorsi (ERA) fuq 2292 3500 jew 9921 0404.

Last updated on 07/10/2020