Rimi ta' Skart Domestiku

WasteServ hi impenjata li ttejjeb il-prestazzjoni tagħha fir-rigward tar-riċiklaġġ. Għal din ir-raġuni, aħna għandna bżonn l-għajnuna tiegħek biex inti tagħmel bidliet żgħar sabiex tirriċikla b’mod korrett u tnaqqas l-iskart b’mod ġenerali.

Il-Ġerarkija tal-Iskart turi l-passi differenti li tista’ tieħu sabiex tnaqqas l-iskart li tiġġenera.

Biex kull dar tkun tista’ tissepara l-iskart b’mod iktar konvenjenti, WasteServ tipprovdi kontenituri ta’ riċiklaġġ b’xejn lil kull dar f’Malta u Għawdex. Il-kontenituri għandhom għotjien ikkuluriti biex jagħmluha iktar faċli li l-iskart jintefa’ fil-kontenitur it-tajjeb.

X’għandek tpoġġi ġol-kontenituri tiegħek

Oġġetti riċiklabbi mħalLta – GĦATU aħdar

Kartun
Kaxxi tal-kartun tal-ikel nodfa
Trays tal-aluminju u fojl nodfa
Basktijiet tal-plastik nodfa
Kaxxi tat-take away nodfa
Fliexken taż-żejt għat-tisjir
Kontenituri tal-kożmetiċi (nodfa)
Fliexken tad-deterġenti (vojta)
Kaxxi tad-deterġenti
Bottijiet tal-ikel
Għotjien tal-vażetti
Kontenituri tas-sapun likwidu (vojta)
Rivisti
Fliexken tal-plastik
Kaxxi tal-marġerina (vojta)
Tappijiet tal-metall
Bottijiet tax-xorb
Kartun tal-ħalib u Kartun tal-meraq tal-frott
Gazzetti
Notebooks
Karti
Basktijiet tal-karti (nodfa)
Basktijiet tal-plastik (nodfa)
Tappijiet tal-plastik
Kontenituri tal-plastik
Pakketti tal-ikel tal-plastik
Fliexken tal-plastik
Fliexken tax-shampoo (vojta)
Fliexken tal-gel tax-xawer (vojta)
Bottijiet tal-isprej (vojta)
Rollijiet tal-karta iġenika
Prodotti għall-indafa personali (nodfa u vojta)
Kontenituri tal-yoghurt (nodfa)

Skart Imħallat – għatu iswed

Tejp li jwaħħal
Fojl tal-aluminju mċappas
Karta forn
Ċeramika/ pyrex imkisser
Karti tat-tgeżwir tal-ikel imċappsa
Tejp selofejn
Kaxxi tat-take away maħmuġin
Pakketti mġeżwra bil-fojl
Trab
Ġablow
Tikketti
Ritratti
Kontenituri tal-pjanti
Sponoż użati
Oġġetti sanitarji
Żraben
Xagħar (uman jew tal-annimali)
Mirja żgħar imkissra
Stickers
Tubi tat-toothpaste
Materjal tat-tindif użat
Ingwanti tal-lasktu użati
Biċċiet tal-art użati
Karta tax-xemgħa
Wet wipes
Irmied u loqom tas-sigaretti
Xemgħa
CDs
Pakketti tas-snacks
Toothpicks
Stikek tal-injam tal-ġelati
Zkuk

Ħġieġ – għatu Kannella

Fliexken
Vażetti

Skart sanitarju – għatu abjad

Oġġetti sanitarji
Ħmieġ u mifrex tal-annimali
Ħrieqi

Skart Organiku – Kontenitur Aħdar

Ġobon
Kafè
Ikel imsajjar
Fdalijiet tal-ikel
Laħam imsajjar jew nej
Prodotti tal-ħalib
Bajd u qxur tal-bajd
Ikel skadut (mingħajr ippakkjar)
Ħut
Fjuri
Għasel
Zokkor
Weraq
Għaġin
Ikel nej
Frott u ħaxix imħassar
Gazzetti mċappsin
Srievet imċappsin
Tea bags
Weraq tat-tè
Butir
Qxur tal-ġewż
Qxur tal-frott tal-baħar

Il-kontenituri tar-riċiklaġġ għad-djar jistgħu jinġabru miċ-Ċentru tal-Viżitaturi ġewwa l-Park tal-Familja ta’ Sant’Antnin f’Wied il-Għajn jew mill-Faċilità tal-Kus, fix-Xewkija, Għawdex, mit-Tnejn sal-Ġimgħa mis-7:30am sat-3:00pm. Tista’ wkoll ċċempel in-numru Freephone 8007 2200 għal aktar informazzjoni. Jekk jogħġbok ippreżenta l-karta tal-identità jekk din hija r-residenza prinċipali tiegħek. Jekk tirreġistra għal residenza sekondarja, jkollok bżonn tipprovdilna kont tad-dawl u l-ilma li hu f’ismek. Jekk int tgħix f’post mikri, jkollna bżonn kopja tal-ftehim ta’ kera tiegħek.

Meta għandi noħrog l-iskart tiegħi?

Is-servizz tal-ġbir tal-iskart mid-djar huwa pprovdut mill-Kunsilli Lokali rispettivi ta’ kull lokalità. L-iskart kollu li jinġabar minn fuq il-bankini jittieħed lejn faċilitajiet tal-WasteServ biex jiġi pproċessat u trattat.

Skart Goff

Għal oġġetti li huma kbar wisq biex ikunu kkunsidrati bħala skart domestiku normali, tista’ tuża’ s-servizz tal-ġbir tal-iskart goff. Dan is-servizz huwa offrut b’xejn lid-djar kollha.

Biex teħles minn skart goff, tista’ jew tikkuntattja lill-Kunsill Lokali tiegħek jew iżżur wieħed miċ-Ċentri għall-Iskart Goff tagħna.

Skart tal-kostruzzjoni bħal brikks, konkrit, madum, trabijiet u ċeramika li jiġi mid-djar jista’ ukoll jittieħed b’xejn fiċ-Ċentri għall-Iskart Goff sakemm dan ikun fi kwantitajiet żgħar.

Skart Perikoluż

Ċerti prodotti tad-dar jistgħu jkunu ta’ riskju għas-saħħa tal-bniedem jew għall-ambjent jekk ma jintremewx kif suppost. Skart perikoluż jinkludi kimiċi (inklużi l-kontenituri vojta), żebgħa (inklużi l-kontenituri vojta), żjut tal-magni, solventi, batteriji, u bozoz tad-dawl u tubi użati.

Jekk għandek bżonn tarmi skart perikoluż, huwa importanti ħafna li tagħmel dan b'mod sikur għall-ambjent. Skart perikoluż bħal dan għandu jittieħed f'wieħed miċ-Ċentri għall-Iskart Goff. Il-bozoz tad-dawl u t-tubi tad-dawl jistgħu ukoll jittieħdu fit-Trakkijiet tas-Separazzjoni tal-Iskart.

Mediċina Skaduta

Mediċina skaduta hija klassifikata bħala skart perikoluż ukoll.

Inti tista’ tieħu mediċina qadima, mhux użata, skaduta jew li m’għandekx bżonn iktar, fi spiżerija awtorizzata. Hawnhekk tista’ teħles minn pilloli jew kapsuli li huma waħdiet jew għadhom ġol-pakkett, mediċina fil-fliexken, inhalers u krema mediċinali li ssib fl-istoċċ.

Qatt m’għandek tieħu oġġetti bio-perikolużi, bħal siringi u apparat tal-EpiPen, fi spiżeriji. Dawn iridu jintremew f’kontenituri speċjali għal affarijiet bil-ponta u jittieħdu f’wieħed miċ-Ċentri għall-Iskart Goff tagħna.

Qabel ma teħles minn din il-mediċina, kun ċert li tneħħi l-ippakkjar tal-mediċina, karti b’informazzjoni, għotjien, tazzi żgħar jew kuċċarini tal-plastik. Dawn tista’ tarmihom ġol-kontenitur bl-għatu aħdar. Il-qafas tal-plastik tal-inhaler ukoll għandu jiġi sseparat miċ-ċilindru u mormi ġol-kontenitur bl-għatu aħdar.

Tista’ tarmi fliexken vojta tal-ħġieġ tal-mediċina ġol-kontenitur bl-għatu kannella.

Folji vojta tal-pilloli u kapsuli, kif ukoll oġġetti kożmetiċi, għandhom jiġu mormija fil-kontenitur bl-għatu iswed.

Sib spiżerija awtorizzata ħdejk.

Last updated on 08/10/2020